Bateragarritasun Elektromagnetikoaren IX. Jardunaldiak (EMC)
Jardunaldi hauen helburua enpresen, unibertsitateen eta zentro teknologikoen arteko ezagutza-trukea eta teknologiaren transferentzia sustatzea da, bateragarritasun elektromagnetikoaren arloan. Hiru egunetan zehar, ikerketako profesionalak eta sektoreko adituak bilduko gara azken aurrerapenak, esperientziak eta lan-ildo berriak partekatzeko.
Euskalduna Jauregia, Bilbo, Bizkaia
2026ko abenduaren 1etik 3ra
IKERLAN zentro teknologikoak antolatuta, EMC 2026 Jardunaldiak bateragarritasun elektromagnetikoaren (EMC) arloko adituak eta profesionalak bilduko ditu, azken berrikuntzak eta joerak partekatzeko ikerketa, garapen teknologiko eta industriaren esparruetan.
Topaketaren helburu nagusia I+G arloko eragile ezberdinen artean ezagutza- eta esperientzia-trukea sustatzea da, lankidetza, ikerketa aplikatua eta teknologiaren transferentzia bultzatuz enpresen, unibertsitateen eta zentro teknologikoen artean.
Hiru egunetan zehar, enpresek, unibertsitateek eta ikerketa-zentroek beren azken garapenak aurkeztuko dituzte, sektorearen bilakaeraren ikuspegi eguneratua eskainiz. Era berean, EMCrekin lotutako instrumentazioan, softwarean eta zerbitzuetan espezializatutako enpresa ugarik erakusketa-gune bat izango dute, bertan beren produktu eta teknologia berritzaileenak aurkezteko.
ANTOLAKUNTZA BATZORDEA
Fernando Arteche
Instituto Tecnológico de Aragón | Aragoiko Instituto Teknologikoa
Joaquín Bernal
Universidad de Sevilla | Sevillako Unibertsitatea
Salvador González
Universidad de Granada | Granadako Unibertsitatea
Ferrán Silva
Universitat politécnica de Catalunya | Kataluinako Unibertsitate politeknikoa
Roberto Moreno
Centro Tecnológico IKERLAN | IKERLAN zentro teknologikoa
Manuel Añon
Instituto Nacional de Técnica Aeroespacial (INTA) | Aeroespazio Teknikaren Institutu Nazionala (INTA)IKERLAN
IKERLAN zentro liderra da teknologiaren transferentzian eta industriari balio lehiakorra ematen. Soluzio integralak eskaintzen ditu, hiru arlo handitan hainbat domeinu teknologiko konbinatuz: teknologia digitalak eta adimen artifiziala, sistema elektroniko txertatuak eta zibersegurtasuna, eta teknologia mekatronikoak eta energiaren alorrekoak.
Gaur egun, 420 pertsonak osatzen dute taldea, eta Arrasaten, Donostialdean eta Bilbon ditu egoitzak. MONDRAGON Korporazioko eta Basque Research and Technology Alliance-ko (BRTA) kooperatiba kide den aldetik, IKERLAN enpresa-eredu jasangarria, lehiakorra eta etengabe eraldatzen ari dena da.
Agenda
Bateragarritasun Elektromagnetikoari buruzko Jardunaldien 2026. edizioa abenduaren 1etik 3ra egingo da Bilboko Euskalduna Jauregian, IKERLAN Zentro Teknologikoak antolatuta.
Gai nagusia EMC kudeaketa izango da, produktu elektroniko egonkorrak, fidagarriak eta lehiakorrak garatzeko funtsezko gaitasun tekniko eta antolaketagaitasun gisa ulertuta. Araudia betetzeaz gain, diseinuko, balidazioko, industrializazioko eta kalitateko prozesuetan bateragarritasun elektromagnetikoa nola txertatu aztertuko da, arriskuak, kostuak eta garapen-denborak murrizteko, arazoak saihesteko eta markaren irudia babesteko.
Gainera, jardunaldiek ohiko irismen zientifiko-teknologikoari eutsiko diote, eta EMC diseinuari, modelatzeari, simulazioari, neurriei, saiakuntzei, araudiari, materialei, interferentzien arintzeari eta bateragarritasun elektromagnetikoan sortzen ari diren beste joera batzuei buruzko saioak egingo dira.
* Behin behineko agenda: aldaketa eta eguneraketak izango ditu.
Kontaktua
Zertan lagundu zaitzakegu?
Bateragarritasun Elektromagnetikoko Jardunaldiekin lotutako edozein alderdiri buruzko informazio jasotzeko jarri gurekin harremanetan.